Gəncə şəhərinin iki ümumtəhsil məktəbində təcrübəçi tələbələrin sınaq dərsləri dinlənilib

Nigar Rəfibəyli adına 43 saylı tam orta məktəbdə Musiqi müəllimliyi ixtisasının qiyabi, 5-ci kurs tələbəsi Könül Rəhimlinin “Gülməli nağıl” mövzusunda açıq dərsi olub.

Dərsdə 43 saylı tam orta məktəbin direktoru Günay Əliyeva, Təcrübə və karyera şöbəsinin müdiri Cabbar Qarayev, metodist müəllim Svetlana Abbasova, həmin məktəbin fənn müəllimi Çimnaz Məmmədova və təcrübəçi tələbələr iştirak ediblər.

Mövzuda məqsəd mahnının müəlliflərini, həmin mahnıların ritmini müəyyənləşdirmək, ifası və sair haqqında şagirdlərə ətraflı məlumat vermək idi.

Sonda çıxış edən metodist müəllimlər, dərsi təhlil edərək təcrübəçi tələbəyə bir sıra metodiki məsləhətlər veriblər və dərsi yüksək qiymətləndirdilər.

X X X

A.S.Puşkin adına 9 saylı tam orta məktəbdə Riyaziyyat-informatika fakültəsinin İnformatika müəllimliyi ixtisasının 4-cü kurs tələbəsi Sayalı İsmayılbəylinin “İnternetə necə bağlanmalı” mövzusunda 6 siniflər üçün  sınaq dərsi olub.

Dərsdə İnformatika kafedrasının müdiri Əkrəm Aslanov, Təcrübə və karyera şöbəsinin müdiri Cabbar Qarayev, metodist müəllim Gülmira Verdiyeva, orta məktəbin informatika  müəllimi və təcrübəçi tələbələr iştirak ediblər.

Təcrübəçi mövzuda informasiyanın əldə edilməsi, informasiya resurslarının əldə edilməsində internetin rolu, internetə qoşulmaq üçün lazım olan qurğular və sair haqqında şagirdlərə ətraflı məlumat verib.

Dərs müasir təlim texnologiyaları vasitəsilə keçilib. Sonda dərs  metodist müəllimlər tərəfindən təhlil olunaraq təcrübəçi tələbəyə metodiki məsləhətlər verilib.

X X X

A.S.Puşkin adına 9 saylı  orta məktəbdə Fizika və texniki fənlər fakültəsinin Fizika müəllimliyi ixtisasının 4-cü kurs tələbəsi Türkanə Hüseynovanın 8 sinif şagirdləri üçün “Qraftasiya qarşılıqlı təsir” mövzusunda sınaq dərsi olub.

Dərsdə orta məktəbin direktor müavini Vəliyeva Könül, Təcrübə və karyera şöbəsinin müdiri Cabbar Qarayev, metodist müəllim Yəhya Namazov, orta məktəbin fənn müəllimi Nəsibə Əmiraslanova və təcrübəçi tələbələr iştirak ediblər.

Təcrübəçi tələbə dərsdə təbiətdə və məişətdə fiziki hadisələrin müxtəlif qarşılıqlı təsirlər nəticəsində baş verməsi, onun əmələ gəlmə səbəbləri, qravitasiya və maqnit qarşılıqlı təsiri və sair haqqında şagirdlərə ətraflı məlumat verib.

Dərsdə çıxış edən metodist müəllimlər təcrübəçi tələbəyə metodiki məsləhətlər veriblər.