GDU-nun Ümumi şöbəsinin müdiri Elmira Teyyub qızı Kərimova vəfat edib
Gəncə Dövlət Universitetinin kollektivinə ağır itki üz vermişdir. Universitetin Ümumi şöbəsinin müdiri Elmira Teyyub qızı Kərimova 31 may 2024-cü il tarixdə vəfat etmişdir.
Elmira Kərimova 1946-cı ildə Gəncə şəhərində anadan olmuşdur. 1964-cü ildə orta məktəbi bitirmiş, 1965-1971-ci illərdə Kirovabad Dövlət Pedaqoji İnstitutunda (hazırkı Gəncə Dövət Universiteti) Azərbaycan dili və ədəbiyyat ixtisası üzrə qiyabi təhsil almışdır.
1964-ci ildən Universitetin Dəftərxanasında makinaçı və kargüzar kimi fəaliyyət göstərmiş, 1965-ci ildən Dəftərxana müdiri vəzifəsinə təyin edilmişdir.
2009-cu ildə Azərbaycan Respublikası Təhsil Nazirliyi tərəfindən universitetin 70 illik yubileyində Azərbaycan Respublikasının “Qabaqcıl Təhsil İşçisi” döş nişanı ilə təltif edilmişdir. Əmək veteranı və YAP-ın üzvü olmuşdur.
Gəncə Dövlət Universitetinin inkişafında əvəzsiz xidmətləri olmuş Elmira Teyyub qızı Kərimovanın ailəsinə və yaxınlarına dərin hüznlə bağsağlığı verir, səbr diləyirik.
Allah rəhmət eləsin!
Rektorluq
