Təcrübəçi tələbələrin açıq dərsi keçirilib
Nizami Gəncəvi adına 11 saylı tam orta məktəbdə Filologiya fakultəsinin Azərbaycan dili və ədəbiyyat müəllimliyi ixtisası üzrə 4-cü kurs tələbəsi Aytəkin Heydərovanın 5-ci sinif şagirdlərinə “Əlincə qalası” mövzusunda açıq dərsi keçirilib.
Dərsdə 11 saylı tam orta məktəbin direktoru Ülfət Məmmədova Təcrübə və karyera şöbəsinin müdiri Cabbar Qarayev, metodist müəllim Sevinc Qəmbərova, orta məktəbin fənn müəllimi Könül Cəfərova və həmin məktəbdə pedaqoji təcrübədə olan təcrübəçi tələbələr iştirak ediblər.
Təcrübəçi tələbə dərsdə Əlincə qalasının yüksək və sıldırımlı bir dağ üzərində qərar tutmasından, qalanın ehtimal olunan inşa tarixindən, “Əlincə” adının qədim türk dilində “düzənlik, meydan” sözlərindən əmələ gəlməsindən bəhs edib.
Həmçinin mövzuda işlədilən sözlərin işlədilməsi barədə ətraflı məlumat verib, tapşırıqlarda verilmiş sözlərin isim, yoxsa fel olduğunun müəyyənləşdirilməsini, sözlərin tərkibindəki şəkilçilərin leksik və ya qrammatik olmasının aydınlaşdırılmasını şagirdlərdən soruşub.
Dərs tədris prosesinin tələblərinə uygun kecirilib, müasir təlim metodlarından, əyani vəsaitlərdən istifadə olunub və müvəffəq qiymətləndirilib.
X X X
N.Gəncəvi adina 11 saylı tam orta məktəbin 5-ci sinif şagirdləri üçün Azərbaycan dili və ədəbiyyatın müəllimliyi ixtisasının 4-cü kurs tələbəsi Xanım Quliyevanın “Xocalıdan yadigar” mətninin təhlili mövzusunda açıq dərsi keçirilib.
Dərsdə Təcrübə və karyera şöbəsinin müdiri Cabbar Qarayev, metodist müəllim baş müəllim Sevinc Qəmbərova, orta məktəbin fənn müəllimi Könül Cəfərova və digər təcrübəçi tələbələr iştirak ediblər.
Məqsəd mürəkkəb isim və onların yazılışını şagirdlərə mənimsətmək idi. Təcrübəçi tələbə dərslikdə verilmiş çalışmalarla bağlı kurikulum üsulundan istifadə edərək mürəkkəb sözlər və onların yazılışına dair tapşırıqlar üzərində aktiv iş aparıb. Tələbə müasir texniki avadanlıqlardan iatifadə edib.
Dərsin təhlili zamanı bir sıra metodiki məsləhətlər verilib, dərs müvəffəq qiymətləndirilib.
