Şəhidlərin adı verilən auditoriyalarda görüş keçirilib

        Gəncə Dövlət Universitetinin şəhid məzunları Səməndər İmanov və Elgün Xıdırovun ailə üzvləri Gəncə Dövlət Universitetində olublar.

      Səməndər İmanov və Elgün Xıdırovun adı verilən auditoriyada keçirilən görüşdə Ekologiya və təbiəti mühafizəsi kafedrasının əməkdaşları və tələbələr iştirak ediblər. Görüş zamanı 44 günlük Vətən müharibəsində şəhidlik zirvəzinə ucalmış şəhid Səməndər İmanov və şəhid Elgün Xıdırovun universitetlə bağlı xatirələri, müharibə zamanı göstərdikləri qəhrəmanlıqlar haqqında danışılıb. Şəhid valideynləri onlara göstərilən diqqətə görə Universitetin rəhbərliyinə minnətdarlıq ediblər.

     Bildirək ki, Səməndər İmanov II Qarabağ müharibəsində Xudafərin körpüsü yaxınlığında gedən döyüşlərdə qəhrəmancasına şəhidlik zirvəsinə ucalmış, “Cəbrayılın azad olunmasına görə”  və “Vətən uğrunda” medalları ilə təltif olunmuşdur. Elgün Xıdırov II Qarabağ müharibəsində Füzuli rayonunda gedən döyüşlərdə şəhid olmuş,  “Füzuli rayonunun azad olunmasına görə” və “Vətən uğrunda” medalları ilə təltif olunmuşdur.

Mətbuat və ictimaiyyətlə əlaqələr xidməti