“Müasir dövrdə mədəni nitqə verilən tələblər” mövzusunda ustad dərsi
Gəncə Dövlət Universitetinin Azərbaycan dili kafedrasının baş müəllimi Günay Hüseynova Gəncə şəhər Nəriman Nərimanov adına 25 nömrəli tam orta məktəbdə “Müasir dövrdə mədəni nitqə verilən tələblər” mövzusunda ustad dərsi keçib.
Dərsdə universitetin Təcrübə və karyera şöbəsinin müdiri Cabbar Qarayev, 25 nömrəli tam orta məktəbin direktoru Alik Əliyev, müəllimlər və yuxarı sinif şagirdləri iştirak ediblər.
Məruzəçi Günay Hüseynova mövzu ilə əlaqədar geniş məlumat verib, nitqin düzgünlüyü, dəqiqliyi, aydınlığı, ifadəliliyi, jest və mimika haqqında danışıb.
Sonda şagirdlərin sualları cavablandırılıb.
Mətbuat və ictimaiyyətlə əlaqələr xidməti
