AKSİYA KEÇİRİLDİ

05 fevral 2016-cı ildə səhər saatlarında II tədris korpusunun qarşısında yerləşən Bayraq meydanında Gəncə Dövlət Universitetinin Azərbaycan Dövlət Aqrar Universiteti ilə birgə müəllim və tələbələrin iştirakı ilə aksiya keçirildi. Cəbhədə gedən döyüşlərdə şəhid olanların yaxınlarına və döyüşən qorxmaz, igid əsgərlərimizə dəstək məqsədilə keçirilən bu aksiyada 10 mindən çox insan iştirak edib.

Böyük coşqu ilə deyilən vətənpərvər şüarlar, əllərdə tutulan bayraqlar, iştirakçıların təsdiq sədaları aksiyanı daha da canlandırıb möhtəşəm edirdi. Vətənini, xalqını böyük məhəbbətlə sevən bu gənclik gələcəyin bundan da parlaq olcağına dərin inam yaradırdı.

Aksiya Dövlət himnimizlə başlayıb, həmin himn ilə də yekunlaşdı.