Bu il üçün Elmi Şuranın son iclası keçirilib

Gəncə Dövlət Universitetində (GDU) Elmi Şuranın bu il üçün son iclası keçirilib.

Əvvəlcə şura üzvləri gündəlik məsələlər barədə məlumatlandırılıb.

Sonra 2018-2019-cu tədris ilinin payız imtahan sessiyasına hazırlığın vəziyyəti və görülən işlər haqqında Tədrisin təşkili və təlim texnologiyaları üzrə prorektoru, dosent Fəxrəddin Məmmədovun, universitetin baza məktəbləri ilə əməkdaşlığına dair yaradılmış işçi qrupunun fəaliyyəti ilə bağlı işçi qrupunun rəhbəri Allahverdi Quliyevin, həmçinin İqtisadiyyat və idarəetmə fakültəsinin 5 illik fəaliyyətinə dair fakültə dekanı, dosent Şahin Xurşudovun hesabatı dinlənilib.

Elmi Şurada Ekologiya və təbiəti mühafizə  kafedrasının dosenti elmi adını almağa dair Zabitə Ələkbərovanın, Alman dili kafedrasında boş olan dosent yerinə seçki üzrə filologiya üzrə fəlsəfə doktoru Elvin Atakişiyevin, həmçinin Riyazi analiz kafedrasında boş olan dosent yerinə seçki üzrə riyaziyyat üzrə fəlsəfə doktoru Nazim Neymətovun Elmi Katib tərəfindən vəsatəti qaldırılıb və qəbul edilib.

Elmi Şura işini cari məsələlərin müzakirəsi ilə yekunlaşdırıb.