Elmi-Metodik Şuranın yeni iclası keçirilib

Gəncə Dövlət Universitetinin Elmi metodiki Şurasının 26.05.2025-ci il tarixində 06 saylı iclası keçirilib.  İclası sədr  Tədris departamentinin direktoru Elturan Yusifov açaraq gündəlik məsələ haqqında iştirakçılara ətraflı məlumat verib. Bildirib ki, iclasda  bakalavriat  təhsil səviyyəsi üçün  hazırlanan,  Təhsil proqramında nəzərdə tutulan fənn proqramlarına qrif verilməsi, ali məktəb tərəfindən müəyyən edilən fənlərə aid fənn proqramına qrif verilməsi, magistratura şöbəsində əyani təhsil forması üzrə fəaliyyət göstərən ixtisaslarda  tələbələr tərəfindən seçilən fənlərin əmrləşdirilməsi digər məsələlər müzakirə edilməlidir. İclasda müzakirə edilən bütün məsələlər qənaətbəxş hesab edildiyi üçün rektorluq tərəfindən əmrləşdirilməsi təklif edilərək qərar qəbul olunub.

Mətbuat və ictimaiyyətlə əlaqələr xidməti