Gəncə Dövlət Universitetinin işçi qrupunun şəhərimizin  5, 6 və 43 nömrəli orta məktəblərdə fəaliyyəti

Universitetin rektoru, professor Yusif Yusibovun 07.03.2017-ci il tarixli əmrinə müvafiq olaraq universitetimizin fəaliyyətinin təbliği ilə bağlı işçi qrupu  Gəncə şəhəri 6,5  və 43 nömrəli tam orta məktəblərdə 2017 –ci ilin aprelin 6 -də yüksək səviyyəli tədbirlər həyata keçirmişlər.

Cəfər Cabbarlı adına 6 nömrəli tam orta məktəbdə keçirilən tədbirdə məktəbin direktoru Abbasova Vəfa Nizami qızı və dərs hissə müdiri Paşayeva Aynur Faiq qızı (onların hər ikisi Gəncə Dövlət Universitetinin məzunlarıdırlar) çıxışlarında qeyd etdilər ki, məktəbin müəllimlərin böyük əksəriyyəti Gəncə Dövlət Universitetinin  məzunu olmuşlar. Onlar bildirdilər ki, şagirdlərimizin əksəriyyəti gələcəkdə ali təhsil almaq  üçün məhz Gəncə Dövlət Universitetini seçəcəklər.

İşçi qrupunun üzvləri bildirdilər ki, son illərdə universitetin maddi-texniki bazası ildən- ilə genişlənir, beynəlxalq əlaqələrimiz sürətlə inkişaf edir. Bu istiqamətdə aparılan işlər nəticəsində universitetin professor-müəllim heyətinin, bakalavr və magistrlərin, gənc tədqiqatçıların xaricdə elmi araşdırmalar aparmağa və təhsillərini davam etdirməyə imkan yaranmışdır.

Çıxışlardan sonra Universitetin həyatını əks etdirən video materiallar nümayiş etdirildi, bukletlər, suvenirlər şagirdlərə hədiyyə olundu. Sonda xatirə şəkilləri çəkildi.

Daha sonra, Universitetin işçi qrupu həmin gün Gəncə şəhəri Mirzə
Ələkbər Sabir adına 5 nömrəli məktəbin pedaqoji kollektivi və yuxarı sinif şagirdləri ilə görüş keçirmişdir.

Görüşdə  işçi qrupun rəhbəri dosent M. Məmmədov çıxış edərək qeyd etdi ki, 5 №-li məktəb universitetimizlə daim əməkdaşlıq edir. Məktəbin direktoru İmranov Bəhrəm Əşrəf oğlu bildirdi ki, onun özü 1976- cı ildə GDU- un Riyaziyyat fakültəsini bitirmişdir,  bu məktəbdə çalışan müəllimlərin əksəriyəti həmin universitetin məzunlarıdır.

Çıxış edənlər göstərdilər ki, Gəncə Dövlət Universitetinin tələbələri uzun illərdir ki, həmin məktəbdə pedaqoji təcrübələrini keçirlər, sınaq dərslərini deməklə yanaşı, eyni zamanda, məktəbdə keçirilən bütün tədbirlərdə yaxından iştirak edirlər. Görüş yüksək səviyyədə keçirilidi, işçi qrupuna şagirdlər tərəfindən suallar verildi, tədbirin sonunda videomateriallar nümayiş etdirildi, Universitet həyatını əks etdirən videomateriallar nümayiş etdirildi

Qeyd edək ki, məktəbdə 1305 şagird təhsil alır, 133 nəfərdən ibarət pedaqoji kollektiv öz vəzifələrini layiqincə yerinə yetirir, bu il 49 məzun öz sənədlərini ali məktəblərə təqdim edəcəklər. Məktəbin direktoru İmranov Bəhrəm Əşrəf oğlu respublikamızın əməkdar müəllimidir, onun rəhbərliyi ilə bu tədris ilində məktəbin kollektivi respublikamız üçün əhəmiyyətli 12 nailiyyət əldə edilib. Məktəbin məzunları ölkəmizdə və xaricdə təhsil alırlar, məktəb zona üzrə fənn olimpiadalarının qalibidir.

Həmin gün işçi qrupu Nigar Rəfibəyli adına 43 nömrəli tam orta məktəbin pedaqoji kollektivi və məzunları ilə görüş keçirdilər. Məktəbin direktoru Əliyeva Günay Hüseyn qızı bildirdi ki, bizim GDU ilə həmişə səmərəli əməkdaşlığımız mövcuddur və hörmətli işçi qrupunun gəlməsi həmin əlaqələrin genişlənməsinə xidmət edir.

İşçi qrupunun üzvləri univeristetimizin çoxsahəli fəaliyyəti barədə görüşdə iştirak edən pedaqoji kollektivin üzvlərinə ətraflı sürətdə məlumat verdilər və videomateriallar nümayiş olundu. Tədbirin sonunda şagirdləri maraqlandıran suallara cavab verildi.

Keçirilən bütün tədbirlərin yüksək səviyyədə təşkilində və həyata keçirilməsində Gəncə şəhər Təhsil İdarəsinin rəisi Zakir Hüseynovun və Metod mərkəzin direktoru Zöhrab Hacıyevin səmərəli fəaliyyəti qeyd edildi.

Keçirilən görüşlər hər üç – 5, 6 və 43 nömrəli məktəblərin yuxarı sinif şagirdlərinə və pedaqoji kollektivinə müsbət təsir göstərdi. Çıxış edən şagirdlər belə bir görüş üçün minnətdarlıq etdilər və gələcəkdə ali təhsil almaq üçün Gəncə Dövlət Universitetini seçəcəklərini bildirdilər