Tələbələr Göygölün tarixi məkanlarına ekskursiya ediblər

         Gəncə Dövlət Universiteti Tələbə Gənclər Təşkilatının (TGT) təşəbbüsü ilə Fizika və texniki fənlər fakültəsinin bir qrup tələbəsi  Göygöl Tarix-Diyarşünaslıq Muzeyinə ekskursiya edib.

          Muzey  bələdçisi tərəfindən tarixi məkanda nümayiş etdirilən eksponatlar haqqında məlumat verilib və vaxtı ilə Göygöldə yaşayan almanların  həyat  tərzini əks  etdirən  xüsusi  guşə barəsində söhbət açılıb. Bildirilib ki, muzeydə qədim kurqanlarda qazıntılar  zamanı əldə  olunan  saxsı qablar və məişət əşyaları qorunur.

     Ekskursiya çərçivəsində tələbələr XIX əsrdə alman sakinləri tərəfindən inşa edilmiş “yeraltı şəhər”i xatırladan zirzəmilər, həmçinin Göygöldə yaşamış sonuncu alman əsilli Azərbaycan vətəndaşı  Viktor Klaynın mənzili ilə yaxından tanış olublar.

Mətbuat və ictimaiyyətlə əlaqələr xidməti