Ustad dərsləri davam edir

 Gəncə Dövlət Universitetinin Tarix və coğrafiya fakültəsinin Ümumi tarix kafedrasının müəllimi Elmira Əliyeva Gəncə şəhər S. Vəliyev adına 34 nömrəli tam orta məktəbdə ustad dərsi keçib.

Dərsdə universitetin Təcrübə və karyera şöbəsinin müdiri Cabbar Qarayev, Ümumi tarix kafedrasının müdiri Etibar Musayev, kafedranın əməkdaşları, təcrübəçi tələbələr və orta məktəbin fənn müəllimi və şagirdlər iştirak ediblər.

GDU-nun müəllimi Elmira Əliyeva Osmanlı dövlətinin yaranması və ərazisinin genişlənməsi haqqında  şagirdlərə məlumat verib və mövzunu ətraflı izah edib.

Dərsin sonunda şagirdlərin sualları cavablandırılıb.

Mətbuat və ictimaiyyətlə əlaqələr xidməti