Şagirdlər üçün ustad dərsi

Gəncə şəhəri Cəfər Cabbarlı adına 6 saylı tam orta məktəbdə universitetin Biologiya – kimya fakültəsinin, Anatomiya, fiziologiya və zoologiya kafedrasının müdiri Vəfa Məmmədovanın Zoologiya fənnindən “Süngərlərin quruluşu və yaşayış tərzi” mövzusunda ustad dərsi keçirilib.

Dərsin həm nəzəri, həm də praktiki hissəsi müasir təlim metodları əsasında aparılıb. Müəllim süngərlərin quruluşunu, növlərini, yaşayış tərzini, inkişafını və yayılmasını əyani şəkildə izah edib.

Dərsdə Təcrübə və karyera şöbəsinin müdiri Cabbar Qarayev, Anatomiya, fiziologiya və zoologiya kafedrasının müəllim kollektivi və məktəbdə təcrübədə olan tələbələr iştirak ediblər.