“Vergilər” mövzusunda tələbələr arasında 11ci olimpiadanın ilkin mərhələsi start götürüb
Aprelin 16-da Respublikanın paytaxt və regionlarını təmsil edən ali məktəblərin bakalavriat və magistratura pilləsində təhsil alan tələbələr arasında xalqımızın ümummilli lideri Heydər Əliyevin anadan olamasının 94 – cü ildönümünə həsr olunmuş “Vergilər” mövzusunda 11-ci olimpiadanın ilkin seçmə mərhələsinə start verilib.Ənənəvi olaraq hər il keçirilən olimpiadanın təşkilində əsas məqsəd ali təhsil müəssisələrində təhsil alan tələbələrin vergi sahəsində biliklərinin artırılması,bilik səviyyəsi yüksək olan tələbələrin müəyyən edilməsi,gələcəkdə vergi sahəsi üzrə mütəxəssislərin yetişdirilməsi üçün zəmin yaradılmasından ibarətdir.
Olimpiada seçmə və yekun olmaqla 2 mərhələdə keçirilir.Seçmə mərhələsi olimpiadada iştirakı nəzərdə tutulan hər bir ali təhsil müəssisəsinin özündə təşkil olunur.
Ali təhsil müəssisələri öz tələbələri arasında nəzərdə tutulan mövzular əsasında Vergilər Nazirliyinin Tədris Mərkəzi tərəfindən hazırlanmış 50 test sualı üzrə 90 dəqiqəlik daxili imtahan keçirirlər.İmtahanların nəticələri barədə məlumat Vergilər Nazirliyinə təqdim edilir.
Olimpadanın ilk seçmə mərhələsi aprelin 16 da Bakı şəhərində Azərbaycan Dövlət İqtisad Universitetində və “Azərbaycan” Universitetində,regionlarda Naxçıvan Dövlət Universitetində,Gəncə Dövlət Universitetində və Mingəçevir Dövlət Universitetlərində keçirilib.Lənkaran Dövlət Universitetində isə analoji imtahan aprelin 17-də keçiriləcəkdir.
Vergi olimpiadası seçmə mərhələsi və imtahan prsesi tam şəffaf və obyektiv qaydada keçirilmişdir Olimpiadanın yekun mərhələsinin mayın 5-də Vergilər Nazirliyinin Tədris Mərkəzində keçirilməsi nəzərdə tutulur.
Olimpiada onlayn rejimdə keçiriləcək .Nəticələr münsiflər heyətinin iştirakı və nəzarəti altında xüsusi kompyuter proqramları vasitəsilə qiymətləndiriləcək.
