FRANSIZ QONAQLARLA İŞGÜZAR GÖRÜŞ
Bu günlərdə əməkdaşlıq müqaviləsinin müddəalarına uyğun olaraq “Yuxarı Alzas” Universitetinin əməkdaşlarından Filologiya fakültəsinin dekanı xanım Qreta Komur, Nikol Dzyub, İnkar Kuramayeva və Tatyana Musinovanın Gəncə Dövlət Universitetinin Fransız dili kafedrasının əməkdaşları və Fransız dili müəllimliyi ixtisasının tələbələri ilə görüşü olmuşdur. Əsas binanın iclas zalnda təşkil olunan bu görüşdə Filologiya fakültəsinin dekanı, filologiya elmləri doktoru, professor Mübariz Yusifov və Nizamişünas, filologiya elmləri doktoru, əməkdar elm xadimi, professor Xəlil Yusifov da iştirak etmişlər.
Görüşdə Fransız dili kafedrasının əməkdaşları ilə işgüzar məsləhətləşmələr aparılmış, əməkdaşlıqla bağlı yeni müddəaların işlənib hazırlanması nəzərdə tutulmuş, Erasmus+ proqramı vasitəsi ilə xaricdə təhsil almaq imkanları müzakirə edilmişdir. Tələbələrə isə magistratura pilləsində Fransada təhsil almağın qayda və prinsipləri izah edilmişdir.
Görüşdə eyni zamanda Yuxarı Alzas Universitetində yaradılmış “Nizami Gəncəvi” kafedrasının doktorantı İnkar Kuramayevanın “Nizami Gəncəvi yardıcılığında qadın surətləri” mövzusunda dissertasiya işinin, Nikol Dzyubun isə “Dədə Qorqud” dastanında multikilturalizim məsələləri” mövzusunda doktorluq dissertasiyasının təqdimatı və müzakirəsi olmuşdur.
Görüşdən sonra qonaqlar şəhərimizlə tanış olmuş, xoş təəssüratlarla da ayrılmışlar.
